Հութիները հարձակվել են Իսրայելի հարավում գտնվող Ռամոնի օդանավակայանի վրա

Եմենի «Անսար Ալլահ» շարժման հութի ապստամբները հարձակվել են Իսրայելի հարավում գտնվող Էյլաթ քաղաքի մոտ գտնվող Ռամոն օդանավակայանի վրա։ Այս մասին հայտարարել է շարժման ռազմական խոսնակ Յահյա Սարիան:

«Անօդաչու ուժերը  ռազմական երկու գործողություն են իրականացրել: Առաջինի ժամանակ նրանք երկու անօդաչու թռչող սարքերի միջոցով հարձակվել են սիոնիստական ​​թշնամուն պատկանող Ռամոն օդանավակայանի վրա՝ Ումմ ալ-Ռաշրաշ տարածքում (խմբ. Էյլաթի արաբերեն անվանումը): Երկրորդ հարվածը հասցվել է սիոնիստական ​​թշնամու կարևոր թիրախին՝ օկուպացված Ջաֆֆա շրջանում (խմբ.Թել Ավիվ)՝ օգտագործելով Ջաֆֆա տիպի անօդաչու թռչող սարք», – ասել է նա ապստամբների կողմից վերահսկվող Al Masirah հեռուստաալիքի եթերում։

Մայիսի 4-ին հութիների Եմենի տարածքից բալիստիկ հրթիռ էին արձակել Թել Ավիվի Բեն Գուրիոնի անվան միջազգային օդանավակայանի ուղղությամբ։ Իսրայելական բանակը հայտարարել էր, որ չի կարողացել որսալ հրթիռը: Միջադեպի հետևանքով ութ մարդ վիրավորվել է։

Հուսիթները ստանձնել էին հարձակման պատասխանատվությունը: Շարժման ռազմական խոսնակ Յահյա Սարիան հայտարարել է, որ ապստամբ ուժերն արձակել էին «հիպերձայնային բալիստիկ հրթիռ»։

Մայիսի 5-ին և 6-ին Իսրայելի ռազմաօդային ուժերը լայնածավալ հարվածներ են հասցրել Եմենին: Թրիախում եղել են Հոդեյդայի նավահանգիստը, Սանայի միջազգային օդանավակայանը, էլեկտրակայանները և ցեմենտի գործարանը: