Մերցը բացատրել է՝ անվտանգության ինչ երաշխիքների վրա կարող է հույս դնել Կիևը

Ուկրաինայի զինված ուժերին լայնածավալ աջակցությունը Եվրոպայից և ԱՄՆ-ից կարող է ծառայել՝ որպես Ուկրաինայի անվտանգության երաշխիք պոտենցիալ հրադադարից հետո, Welt հեռուստաալիքին տված հարցազրույցում ասել է Գերմանիայի նոր կանցլեր Ֆրիդրիխ Մերցը։

Հարցազրույցի ժամանակ կանցլերը հայտարարել է, որ Ուկրաինա գերմանական զորքեր ուղարկելու հարցը սեղանին դրված չէ, ինչին ի պատասխան՝ իրեն հարցրել են, թե անվտանգության ինչ երաշխիքների վրա կարող է հույս դնել Կիևը նման դեպքում։

«Դե, իհարկե, մենք կարող ենք շարունակել զգալիորեն աջակցել ուկրաինական բանակին, զենք մատակարարել նրան Միացյալ Նահանգների աջակցությամբ՝ որպես եվրոպական համատեղ ջանքերի մի մաս: Կան մի շարք հնարավորություններ, թե ինչպես ապահովել հրադադարի և հետագայում խաղաղության համաձայնագրի կատարումը»,- ասել է Մերցը։