Լոնդոնում իրանցիները ահաբեկչական հարձակում են պլանավորել Իսրայելի դեսպանատան վրա․ FT

Անցյալ շաբաթ Բրիտանիայում ձերբակալված Իրանի հինգ քաղաքացիներ կասկածվում են Լոնդոնում Իսրայելի դեսպանատան վրա հարձակում նախապատրաստելու մեջ։ Այս մասին հայտնում է Financial Times թերթը՝ վկայակոչելով հետաքննության ընթացքի մասին տեղեկացված աղբյուրներին։

Նրանց տվյալներով՝ ահաբեկչական բջիջը գտնվում էր Իսրայելի դեսպանատան վրա հարձակում նախապատրաստելու վերջին փուլում, որը գտնվում է Մեծ Բրիտանիայի մայրաքաղաքի արևմուտքում՝ Քենսինգթոնում։ Իրանցիները կարող էին մի քանի ժամվա ընթացքում իրականացնել իրենց ծրագրերը։

Աղբյուրները մանրամասնում են, որ Իրանի քաղաքացիներին բերման ենթարկելու գործողությանը մասնակցել են հակաահաբեկչական ստորաբաժանման ոստիկաններ և զինվորականներ։