Ռուսաստանն ու Չինաստանը ներդրումների պաշտպանության մասին համաձայնագիր կստորագրեն

Ռուսաստանի նախագահ Վլադիմիր Պուտինը հայտարարել է Ռուսաստանի և Չինաստանի միջև ներդրումների խթանման և փոխադարձ պաշտպանության մասին համաձայնագրի մոտալուտ ստորագրման մասին։ Այս մասին հայտնում է РИА Новости-ն։

Հայտարարությունն արվել է Հաղթանակի օրվա 80-ամյակին ընդառաջ այցով Ռուսաստան ժամանած Չինաստանի նախագահ Սի Ծինփինի հետ բանակցությունների ժամանակ։

ՌԴ նախագահի խոսքով, նորացված համաձայնագրերը «դրական ազդեցություն կունենան առավել բարենպաստ գործարար միջավայրի ձևավորման վրա և լուրջ խթան կհաղորդեն մեր տնտեսական համագործակցության զարգացմանը»։