Ավստրալիական Հոլիվուդը դիմում է Մել Գիբսոնին՝ փրկելու Թրամփի ֆիլմային մաքսատուրքերից

Ավստրալիայի կինոարդյունաբերության առաջնորդները կոչ են անում դերասան Մել Գիբսոնին՝ օգտագործել իր դերը որպես նախագահ Թրամփի «Հոլիվուդյան դեսպան» և համոզել նրան չեղարկել արտասահմանում նկարահանված ֆիլմերի նկատմամբ սահմանված 100% մաքսատուրքը։ Նոր մաքսատուրքը սպառնում է ավստրալական A$1 միլիարդ արժողությամբ կինոպրոդյուսերական շուկային, կարող է հանգեցնել զանգվածային աշխատանքային կրճատումների և կինոտոմսերի թանկացման, հայտնում է Reuters-ը։

 

«Հուսով ենք՝ Մել Գիբսոնը կասի նախագահին, որ սա խելահեղ գաղափար է», — նշել է Screen Producers Australia-ի նախագահ Քեյթ Քարնելը։ Թրամփը հայտարարել է, որ ամերիկյան կինոարդյունաբերությունը «արագ մահանում է»՝ այլ երկրներում տրվող խթանների պատճառով։

 

Ավստրալիան վերջին երկու տասնամյակներում դարձել է Հոլիվուդի հիմնական նկարահանման հարթակ՝ շնորհիվ ավելի էժան արտադրական ծախսերի։Տարածաշրջանային կինոկենտրոնները՝ Քուինսլենդում, Վիկտորիայում և Սիդնեյում, մտահոգված են անհետաձգելի հետևանքներով, եթե մաքսատուրքը ուժի մեջ մտնի։