«Թուրքական ավիաուղիներ»-ը վերսկսում է Թուրքիա-Ռուսաստան չվերթները

Ռուսաստանի ավիացիոն իշխանությունները համաձայնության են եկել «Թուրքական ավիաուղիներ»-ի հետ՝ մայիսի 9-ից Թուրքիայի և Ռուսաստանի միջև չվերթները լիովին վերականգնելու վերաբերյալ, հաղորդում է «Ռոսավիացիա» Telegram ալիքը։ Ավիաընկերությունը նաև ուսումնասիրում է մայիսի 9-ի իր չվացուցակում երկրների միջև լրացուցիչ չվերթներ ավելացնելու հնարավորությունը։

Ինչպես ավելի վաղ հայտնել էր Ռուսաստանի տուրօպերատորների ասոցիացիան (ATOR), Turkish Airlines-ը «մայիսի 8-ին չեղարկել է Վնուկովո օդանավակայանից դեպի Անթալիա, Բոդրում, Դալաման և Ստամբուլ ընդհանուր առմամբ 20 չվերթ», Pegasus Airlines-ը՝ նույն օդանավակայանից դեպի Անթալիա, Ստամբուլ և Բոդրում 4 չվերթ, ինչպես նաև Սանկտ Պետերբուրգից դեպի Անթալիա և Ստամբուլ 7 չվերթ»։ ATOR-ի գնահատականներով՝ «շուկայի մասնակիցներից ստացված ամփոփ տեղեկատվության հիման վրա, չվերթների չեղարկման իրավիճակը կազդի ավելի քան 15 հազար մարդու վրա, այդ թվում՝ այն չվերթների վրա, որոնց մեկնարկի նախատեսված ժամը դեռ չի հասել»։