Պուտինի և Սի Ցզինպինի բանակցությունները տևել են ավելի քան յոթ ժամ

Ընդհանուր առմամբ, ռուս-չինական բարձր մակարդակի բանակցությունները տևել են գրեթե 7,5 ժամ։ Պատվիրակությունների միջև նեղ և ընդլայնված կազմով բանակցությունները տևել են մոտ 3,5 ժամ։

Այս ընթացքում Պուտինը և Սի Ցզինպինը նաև հասցրին հանդես գալ մամուլի առջև և հանդիսավոր մթնոլորտում ստորագրել երկու համատեղ հայտարարություն։ Պատվիրակությունները ստորագրեցին փաստաթղթերի զգալի փաթեթ, այդ թվում՝ միջկառավարական համաձայնագիր։

Չինաստանի Ժողովրդական Հանրապետության նախագահը չորսօրյա պաշտոնական այցով գտնվում է Ռուսաստանում։