Ով կարող է Ուկրաինայի հարցում ԱՄՆ-ի փոխարեն միջնորդ դառնալ

Լեհաստանի արտաքին գործերի նախարար Ռադոսլավ Սիկորսկին հայտարարել է, որ եթե Միացյալ Նահանգները դադարեցնի իր միջնորդական ջանքերը Ուկրաինայում, նրանց տեղը կարող են զբաղեցնել Թուրքիան կամ Չինաստանը։ Նրա խոսքերը մեջբերում է Европейская правда-ն։

Սիկորսկին ընդգծել է, որ Լեհաստանը Միացյալ Նահանգներին հաջողություն է մաղթում Ուկրաինայում հակամարտության կարգավորման «միջնորդական ջանքերում»։

«Սակայն եթե այս ուղին ձախողվի, կան այլ թեկնածուներ։ Կա Թուրքիան, որը պահպանում է կապի ուղիները։ Եվ հետո, առաջին հերթին, կա Չինաստանի Ժողովրդական Հանրապետությունը, որը, ինչպես ոչ ոք, ի վիճակի է ստիպել Պուտինին նստել բանակցությունների սեղանի շուրջ և մեղմացնել իր պահանջները», - ասել է Սիկորսկին։