Ռումինիայում ընտրությունների առաջին փուլում հաղթած Սիմիոնը փոխհատուցում է պահանջում Ուկրաինայից

Ռումինիայում ընտրությունների առաջին փուլում հաղթած Ջորջ Սիմիոնը Ուկրաինայից փոխհատուցում է պահանջել երկրի զինված ուժերին փոխանցված Patriot հակաօդային պաշտպանության հրթիռային համակարգի համար։ Այս մասին նա հայտարարել է Digi24 հեռուստաալիքի եթերում։

«Ուկրաինան մեր կարիքն ունի, այլ ոչ թե հակառակը։ Մենք փոխհատուցում ենք ուզում Ռումինիայի ռազմական գործողություններին մասնակցության համար։ Կլաուս Յոհաննիսի կողմից նվիրաբերված Patriot համակարգի և ռումինացիների կողմից իրենց գրպանից կատարված այլ ծախսերի համար մենք պետք է փոխադարձ օգուտներ ստանանք», - ասել է Սիմիոնը։