Հնդկաստանը Պակիստանի դեմ օգտագործել է ռուսական զենք․ ANI

Հնդիկ զինվորականները Պակիստանի պատասխան օդային հարձակումները հետ մղելիս գործի են դրել ռուսական С-400 զենիթահրթիռային համալիրները, հայտնում է ANI գործակալությունը՝ վկայակոչելով ավիացիայի պաշտոնաթող մարշալ Սանջիվ Կապուրին:

Կապուրի խոսքով՝ С-400 զենիթահրթիռային համալիրների օգնությամբ հաջողվել է հարձակումներից պաշտպանել հնդկական 15 քաղաք։ «Համակարգը կարող է միաժամանակ հետևել բազմաթիվ թիրախների, կարող է հայտնաբերել ինքնաթիռներ, հրթիռներ և անօդաչու թռչող սարքեր, այն ունիվերսալ է և շարժական», -  հայտարարել է նա: 

Նախկին զինվորականը С-400-ն անվանել է նշանակալի ձեռքբերումներից մեկը, որը «հսկայական դեր է խաղացել» Պակիստանի հետ հակամարտությունում: