Պատրիարք Կիրիլը շնորհավորել է նորընտիր Հռոմի պապին

Մոսկվայի և Համայն Ռուսիո պատրիարք Կիրիլը շնորհավորական ուղերձ է հղել ընտրված Հռոմի պապ Լևոն XIV-ին՝ հույս հայտնելով, որ ուղղափառ քրիստոնյաները համատեղ կպատասխանեն ժամանակի մարտահրավերներին։

«Դուք սկսում եք Ձեր ծառայությունը որպես Հռոմի կաթոլիկ եկեղեցու առաջնորդ՝ պատմական առանձնահատուկ պահին, որը կապված է ինչպես մի շարք քաղաքակրթական մարտահրավերների, այնպես էլ հույսի որոշակի նշանների հետ։ Այս համատեքստում քրիստոնեական Արևելքի և Արևմուտքի միջև հարաբերությունները ձեռք են բերում հատուկ նշանակություն աշխարհի ճակատագրի համար», - ասվում է նրա շնորհավորական խոսքում։

Ռուս ուղղափառ եկեղեցու ղեկավարը հույս ունի, որ նոր պապի մասնակցությամբ Ռուս ուղղափառ և Հռոմի կաթոլիկ եկեղեցիների միջև հարաբերությունները «աստիճանաբար կզարգանան Քրիստոսի համատեղ վկայության և մարդկությանը Աստծո պատվիրանների վրա հիմնված կյանքի անսասան գեղեցկության դրսևորման համար»։