Ֆիցոն դեմ է արտահայտվում նոր «երկաթե վարագույրին»

Սլովակիայի վարչապետ Ռոբերտ Ֆիցոն, որը մասնակցում է Մոսկվայում Հաղթանակի 80-ամյակի տոնակատարություններին, Facebook-ում տեղադրված իր տեսաուղերձում խոսել է Եվրոպայում նոր «երկաթե վարագույրի» ստեղծման դեմ։ Նա կոչ է արել Ռուսաստանի հետ կառուցել նորմալ և բարեկամական հարաբերություններ։

«Ես մերժում եմ այն ​​գաղափարը, որ Եվրամիությունը, Եվրոպան, պետք է ինչ-որ նոր «երկաթե վարագույր» բարձրացնի։ Հետևաբար, խնդրում եմ իմ ներկայությունը Մոսկվայում ընկալել որպես Ռուսաստանի Դաշնության հետ նորմալ բարեկամական և տնտեսական համագործակցության զարգացման համար այս «երկաթե վարագույրի» վրայով ձեռք մեկնելու հստակ փորձ և միևնույն ժամանակ որպես ձեռք մեկնված այն սերունդներին, ովքեր զոհվել են Սլովակիայի ազատագրման ժամանակ 1944-1945 թվականներին և որոնց շնորհիվ մենք Սլովակիայում կարողացանք ապրել խաղաղ և ազատ, ինչպես հիմա ենք ապրում»։