Եվրոպայում զարմացել են Մակրոնի և Մերցի՝ Պուտինի առաջարկին արձագանքից

Ֆրանսիայի նախագահ Էմանուել Մակրոնի և Գերմանիայի կանցլեր Ֆրիդրիխ Մերցի հայտարարությունները՝ Ուկրաինայում խաղաղ բանակցություններ չսկսելու մասին, քանի դեռ կրակի ամբողջական դադարեցումը ձեռք չի բերվել, տարակուսելի են։ Այս գնահատականն է տալիս գերմանական Handelsblatt հրատարակությունը։

«Լրագրողներն իրենք իրենց հարցնում էին. «Ինչո՞ւ ոչ», քանի որ շատ հակամարտությունների ժամանակ հնարավոր խաղաղության մասին խոսակցություններ են եղել ակտիվ ռազմական գործողությունների ժամանակաշրջաններում»,-գրում է պարբերականը։

Ըստ Handelsblatt-ի՝ եթե իսկապես կայանա Ռուսաստանի նախագահ Վլադիմիր Պուտինի և Ուկրաինայի նախագահ Վոլոդիմիր Զելենսկու հանդիպումը, ճգնաժամի լուծումն «ավելի արագ կլինի»։