Սինալոայի կարտելից ներս՝ աշխարհի ամենավտանգավոր հանցախմբերից մեկի անդամի հետ հանդիպում

CNN-ի լրագրողներին հաջողվել է հասնել ու հարցազրույց վերցնել Սինալոայի կարտելի անդամներից մեկից՝ խմբավորում, որը ԱՄՆ-ն վերջերս պաշտոնապես դասել է արտաքին ահաբեկչական կառույցների շարքում։ Այս մարդը պատմում է, թե ինչպես է արտադրում ֆենտանիլ՝ օփիոիդ, որը ԱՄՆ-ում առաջացնում է հազարավոր մահեր ամեն տարի։ Նրա կողքին՝ զենք, ռադիոկապ, և շարունակական հետևում՝ զինվորականների շարժին։

 

Ֆենտանիլի արտադրությունը տեղափոխվել է լեռներ՝ հեռու քաղաքներից։ Նրանց լաբորատորիաները հաճախ հագեցած են տարրական սարքավորումներով, իսկ աշխատանքը կատարվում է շարժական ռեժիմով՝ ձերբակալություններից խուսափելու համար։Կարտելը ճնշման տակ է՝ նոր նախագահ Կլաուդիա Շեյնբաումի վարչակազմը կոշտ քայլեր է ձեռնարկում։ Վերջին կես տարվա ընթացքում ձերբակալվել է ավելի քան 17,000 մարդ, առգրավվել է 1.5 տոննա ֆենտանիլ և ավելի քան 2 միլիոն հաբ։

 

Չինաստանից ներմուծվող քիմիական բաղադրիչներով կարտելները շարունակում են արտադրել սինթետիկ թմրանյութեր՝ Մեքսիկայի գյուղերում, ուր զինվորականների ներկայությունը սահմանափակ է։

 

Տեղական անվտանգության խորհրդի անդամ Միգել Կալդերոնն ասում է՝ ԱՄՆ-ի ճնշման արդյունքում որոշ արդյունքներ կան, սակայն մատակարարման շղթան չի կտրվում։ «Ամեն օր կարտելում նոր երիտասարդներ են հայտնվում։ Քանի դեռ պահանջը բարձր է՝ սինթետիկ թմրանյութերը չեն վերանա»։