Լեհաստանի նախագահի թեկնածուն նախընտրական խոստումներ է տվել Ուկրաինայի վերաբերյալ

Ազգայնականների և եվրոսկեպտիկների «Կոնֆեդերացիա» կոալիցիայից Լեհաստանի նախագահի թեկնածու Սլավոմիր Մենցենը խոստացել է կանխել Ուկրաինայի անդամակցությունը ՆԱՏՕ-ին։ Այս մասին հայտնում է ՌԻԱ Նովոստին։

Նա ընդգծել է, որ չի համաձայնի լեհական զորքեր ուղարկել Ուկրաինա։ Նրա խոսքով, հանրապետությունը չի կարող մտնել ռուս-ուկրաինական հակամարտության մեջ և չի ցանկանում ներքաշվել դրա մեջ։

Մենցենը նաև հայտարարել է, որ Վարշավան իր շահերի համար էական չի համարում Ռուսաստանի և Ուկրաինայի սահմանի կամ Ղրիմի սեփականության հարցերը։