Ֆրանսիայում հայտնել են ռադիոակտիվ թափոնների հեռացման նախագծի արժեքը

Ֆրանսիայում մշակվող առավել թունավոր ռադիոակտիվ թափոնների ոչնչացման լայնածավալ նախագիծը կարող է արժենալ մինչև 45 միլիարդ եվրո: Այս մասին հայտնում է Figaro-ն։

Նշվում է, որ նախագիծը նախատեսվում է իրականացնել երկրի արևելքում գտնվող Բուզի մունիցիպալիտետում՝ 2027-2028 թվականներին։

2014-ին հայտարարվեց, որ նախագիծը կարժենա 33 միլիարդ եվրո, բայց երկու տարի անց Ֆրանսիայի կառավարությունը սահմանեց գումարը մինչև 25 միլիարդ եվրո: Հաշվի առնելով գնաճը, ըստ 2024 թվականի գնահատումների, «գերեզմանոցի» ստեղծման արժեքը կարող է կազմել 31,6-ից մինչև 45 միլիարդ եվրո: