Ուկրաինայում խոսել են Ռուսաստանի հետ բանակցություններում Կիևի հետագա քայլերի մասին

Ուկրաինան կորոշի ստամբուլյան բանակցությունների հետագա քայլերը, հենց որ հստակություն լինի ՌԴ նախագահ Վլադիմիր Պուտինի մասնակցության հարցում։ Այս մասին հայտնում է Reuters-ը՝ հղում անելով ուկրաինական աղբյուրներին։

Մայիսի 11-ի իր գիշերային ելույթի ժամանակ Պուտինը առաջարկել է Ուկրաինային վերսկսել ուղիղ բանակցությունները Ստամբուլում։ Նրա խոսքով՝ երկխոսությունը կարող է սկսվել մայիսի 15-ին՝ առանց նախապայմանների։

Ռուսաստանի ղեկավարն ընդգծել է, որ այս բանակցությունների հիմնական նպատակը հակամարտության արմատական ​​պատճառների վերացումն է, ինչպես նաև «պատմական հեռանկարի» համար երկարաժամկետ խաղաղության հաստատումը։