ԱՄՆ-ում հայտարարել են Ուկրաինայի սահմանների նկատմամբ Թրամփի անտարբերության մասին

Ուկրաինայի հարցով ԱՄՆ Պետդեպարտամենտի նախկին հատուկ ներկայացուցիչ Կուրտ Վոլքերը հայտարարել է, որ ԱՄՆ նախագահ Դոնալդ Թրամփը մտադիր է վերջ դնել Ուկրաինայում հակամարտությունը, բայց իրեն չի հետաքրքրում, թե որտեղ կլինի սահմանազատման գիծը, և ինչ տարածքներ կգրավի Ռուսաստանը։ Նրա խոսքերը մեջբերում է NV-ն։

Վոլքերն ասել է, որ Թրամփը «պարզապես ցանկանում է, որ դա ավարտվի»: «Միևնույն ժամանակ, նա թքած ունի, թե որտեղ կլինի ճանաչված կամ չճանաչված սահմանազատման գիծը»,-կարծում է նա։

Փորձագետի խոսքով՝ ամերիկյան վարչակազմը հետաքրքրված է՝ ինչպես դադարեցնել մարտերը, կանխել ապագա հակամարտությունը և դա անել այնպես, որ ամերիկացիները «հավերժ չվճարեն դրա համար»։