ՆԱՏՕ-ի գլխավոր քարտուղար Ռյուտեն Ստամբուլը «հարմար վայր» է անվանել բանակցությունների համար

ՆԱՏՕ-ի գլխավոր քարտուղար Մարկ Ռյուտեն ասել է, որ Թուրքիան կարող է կարևոր դեր խաղալ Ռուսաստանի և Ուկրաինայի միջև բանակցություններում։ Այս մասին գրում է ՌԻԱ Նովոստին։

Նա կարծում է, որ Ստամբուլը հարմար վայր է բանակցությունների համար և սկզբունքորեն դիտվում է` որպես լուրջ և չեզոք հարթակ նման հանդիպումների համար։

Նրա խոսքով, Թուրքիան լավ հարաբերություններ ունի հակամարտության երկու կողմերի հետ, ունի նաև հեղինակավոր քաղաքական առաջնորդներ, այդ թվում՝ նախագահն ու արտգործնախարարը, որոնք կարող են նպաստել երկխոսության հաջող ավարտին։