Իսրայելի հարվածները Գազայում խլել են առնվազն 60 կյանք, Թրամփը շրջում է տարածաշրջանում

Իսրայելի ռազմական հարվածները Գազայի հատվածում խլել են առնվազն 60 մարդու կյանք՝ հիմնականում Խան Յունիսի շրջանում, հայտնում են պաղեստինյան բժիշկները։ Զոհերի թվում են կանայք, երեխաներ և լրագրող Հասան Սամուրը՝ ընտանիքի 11 անդամների հետ։Հարվածներն իրականացվել են այն օրը, երբ պաղեստինցիները հիշատակում էին «Նաքբան»՝ 1948թ. Մերձավոր Արևելքի պատերազմի հետևանքով տեղահանությունը։ Գազայում բնակվող 2.3 մլն մարդուց մեծ մասը այժմ ներքին տեղահանված են։

 

ԱՄՆ և արաբ միջնորդները փորձում են հասնել հրադադարի՝ Դոհայում շարունակվող անուղղակի բանակցություններով։ Բայց, ինչպես նշում է «Համաս»-ը, Իսրայելը «փորձում է բանակցել կրակի տակ»։ Թրամփի տարածաշրջանային այցի ֆոնին հարձակումների ինտենսիվությունը աճել է, իսկ բանակցությունները՝ փակուղի մտել, փոխանցում է Reuters-ը։

 

Պաշտոնական Թել Ավիվը դեռ չի արձագանքել վերջին հարվածների մասին տեղեկատվությանը։ Ըստ պաղեստինյան տվյալների՝ հոկտեմբերի 7-ից սկսված ռազմական գործողություններից ի վեր զոհվել է ավելի քան 52,900 մարդ, իսկ Գազան հայտնվել է հումանիտար աղետի եզրին՝ սովի իրական վտանգով։