Հնդիկները զանգվածաբար չեղարկում են հանգիստը Թուրքիայում և Ադրբեջանում․ Times of India

Հնդիկները չեղարկել են իրենց հանգիստը Թուրքիայի և Ադրբեջանի հայտնի հանգստավայրերում։ Պատճառը այդ երկրների աջակցությունն է Պակիստանին Նյու Դելիի հետ վերջին հակամարտության ժամանակ, հայտնում է The Times of India-ն՝ վկայակոչելով երկու տուրիստական ընկերություններ:

«Դեպի Ադրբեջան և Թուրքիա ամրագրումների քանակը վերջին շաբաթվա ընթացքում նվազել է 60% - ով, մինչդեռ չեղարկումների քանակը նույն ժամանակահատվածում աճել է 250% - ով», - ասել է MakeMyTrip-ի ներկայացուցիչը: EaseMyTrip-ի գլխավոր գործադիր տնօրեն Ռիկանտ Փիթին հայտնել է, որ դեպի Թուրքիա չվերթների չեղարկումների թիվն աճել է 22 տոկոսով, իսկ դեպի Ադրբեջան՝ 30 տոկոսով՝ «վերջին աշխարհաքաղաքական լարվածության պատճառով»:

«Ճանապարհորդները այժմ ընտրում են Հունաստանը, Վրաստանը, Սերբիան, Թաիլանդը և Վիետնամը», - հավելել է նա: Տոմսերի մեկ այլ հարթակ՝ Ixigo-ն, հայտնել էր՝ դադարեցնում է ավիատոմսերի և հյուրանոցների ամրագրումը դեպի Թուրքիա, Ադրբեջան և Չինաստան: