Ինչպես է Ուկրաինան միլիոններ կորցրել զենք գնելու պատճառով․ FT

Կիևը զենքի կասկածելի մատակարարների պատճառով` կորցրել է հարյուր միլիոնավոր դոլարներ: Այս մասին գրում է բրիտանական Financial Times թերթը՝ վկայակոչելով բազմաթիվ աղբյուրների։

Լրագրողները հարցազրույց են վերցրել ուկրաինացի պաշտոնյաներից, հետախույզներից և զենքի վաճառողներից և ուսումնասիրել պետական ​​փաստաթղթերը, որոնք ներկայացվել են հանրությանը:

Հրատարակության համաձայն՝ Ուկրաինան հաճախ խոշոր կանխավճարներ է տվել քիչ հայտնի ընկերություններին, որոնք մինչ օրս չեն մատակարարել պատվիրված զենքերը։ Որոշ դեպքերում Կիևը մեծ պահանջարկի պատճառով՝ զենք է գնել ծայրահեղ ուռճացված գներով, սակայն դրանք անգործածելի են դարձել։