Եվրոպան օգտագործում է ուկրաինացիներին՝ որպես թնդանոթի միս․ ՌԴ ԱԴԾ

Եվրոպայի իշխող դասակարգն իր աշխարհաքաղաքական խնդիրները լուծելու համար օգտագործում է Ուկրաինայի քաղաքացիներին՝ որպես թնդանոթի միս։ Այս մասին Դուշանբեում ԱՊՀ երկրների անվտանգության գործակալությունների և հատուկ ծառայությունների ղեկավարների խորհրդի նիստի ժամանակ հայտարարել է Ռուսաստանի արտաքին հետախուզական ծառայության տնօրեն Սերգեյ Նարիշկինը, փոխանցում է ՏԱՍՍ-ը։

Նա նշել է, որ եվրոպական երկրներում ներկայումս նկատվում է տնտեսական ցուցանիշների անկում, բնիկ բնակչության կրճատում և այլ խնդիրներ։

«Իշխող եվրոպական դասակարգն անամոթաբար օգտագործում է, այսպես կոչված, «ծայրամասային ազգերին», առաջին հերթին՝ ուկրաինացիներին, որպես թնդանոթի միս, նրանց ուղարկում են սպանդի՝ խոսելով այն զոհաբերությունների մասին, որոնք Կիևն անում է՝ հանուն Եվրոպայի ենթադրյալ ռազմական անվտանգության», - ասել է Նարիշկինը։