Հնդկաստան–Պակիստան լարվածությունը հասնում է ջրային ճգնաժամի. Ինդոսի պայմանագիրը սառեցված է
Քաղաքական
Հնդկաստանը պաշտոնապես սառեցրել է իր մասնակցությունը Ինդոսի ջրերի մասին 1960 թվականի պայմանագրին՝ Քաշմիրում 26 քաղաքացու սպանության պատասխանատվությունը դնելով Պակիստանի վրա։ Նյու Դելին հայտարարում է, որ համագործակցությունը կվերսկսի միայն այն դեպքում, եթե Իսլամաբադը աներկմիտ հրաժարվի ահաբեկչական խմբերի աջակցությունից։
Պակիստանի իշխանությունները նախազգուշացնում են՝ ջրի հոսքի դադարեցումը դիտարկվելու է որպես «պատերազմական գործողություն»։ Հնդկաստանը, օգտվելով պայմանագրով նախատեսված սահմանափակ հնարավորություններից, քննարկում է նոր ջրային նախագծեր, որոնք կարող են կտրուկ նվազեցնել Ինդոսի, Ջելումի և Չենաբի ջրի հոսքը դեպի Պակիստան, փոխանցում է Reuters-ը։
Փորձագետները զգուշացնում են՝ այս սրացումը կարող է լուրջ հարված հասցնել Պակիստանի գյուղատնտեսությանը, որը 80 տոկոսով կախված է հենց այս գետերից։ Ջրի հոսքի անկայունությունը սպառնում է բերքի քանակին, բարձրացնում է ծախսերը և խորացնում պարենային ճգնաժամը։ Պակիստանը դիմել է միջազգային կառույցներին՝ փորձելով կանխել տարածաշրջանում հերթական էսկալացիան։
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
