Սիրիան դադարեցնում է թղթադրամների տպագրությունը Ռուսաստանում․ Reuters.

Սիրիան մտադիր է դադարեցնել ազգային արժույթի տպագրությունը Ռուսաստանում և վերակողմնորոշվել  ԱՄԷ-ի և Գերմանիայի հետ համագործակցության ուղղությամբ։ Այս մասին հաղորդում է Reuters-ը՝ հղում անելով իրազեկ աղբյուրներին։

Ծրագրերը ներառում են ոչ միայն գործընկերների փոփոխություն, այլև թղթադրամի դիզայնի թարմացում. նրանց վրայից կհեռացվի նախկին նախագահ Բաշար ալ-Ասադի դիմանկարը։ Գործակալության տվյալներով՝ նախագծի նկատմամբ հետաքրքրություն են հայտնել երկու գերմանական ընկերություններ՝ պետական ​​Bundesdruckerei-ն և մասնավոր Giesecke+Devrient-ը, որը մասնագիտանում է արժեթղթերի թողարկման մեջ։