Գերմանիան և Ավստրիան պայմանավորվել են խստացնել պայքարը անօրինական միգրացիայի դեմ
Աշխարհ
Գերմանիայի ներքին գործերի նախարար Ալեքսանդր Դոբրինդտը ուրբաթ օրը Վիեննայում բանակցություններ է վարել իր ավստրիացի գործընկեր Գերհարդ Կարների հետ, որի ընթացքում կողմերը համաձայնության են եկել խստացնել անօրինական միգրացիայի դեմ պայքարը, հայտնում է Գերմանիայի ներքին գործերի նախարարությունը։
«Գերմանիան և Ավստրիան ցանկանում են համատեղ սահմանափակել և կարգավորել Եվրոպա անօրինական միգրացիան։ Ներքին գործերի նախարարներ Դոբրինդտի և Կարների Վիեննայում կայացած աշխատանքային հանդիպումը հստակ ազդանշան է. Եվրոպային անհրաժեշտ են ավելի արագ ընթացակարգեր և ավելի վճռական միջոցներ միգրանտներին վտարելու համար», - հայտնում է Գերմանիայի Ներքին գործերի նախարարությունը սոցիալական ցանցի իր էջում։
Դոբրինդտն, ավելի վաղ, հայտարարել է, որ Գերմանիան անօդաչու թռչող սարքեր, ուղղաթիռներ և ջերմային պատկերման տեսախցիկներ է տեղակայել անօրինական միգրացիայի դեմ պայքարելու համար։ Նրա խոսքով՝ Գերմանիան սահմանային հսկողությանը ներգրավված ոստիկանների թիվը 11,000-ից ավելացրել է մինչև 14,000 մարդ, իսկ մուտքի մերժումների թիվը աճել է 45%-ով։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
