Ֆրանսիան մարտին դարձել է Ռուսաստանից գազի հիմնական եվրոպական գնորդը․ Եվրոստատ

Մարտին Ֆրանսիան Ռուսաստանից գազի հիմնական եվրոպական գնորդն է՝ գնելով այն գրեթե 465 միլիոն եվրոյով, ինչը առավելագույնն է 2022 թվականի վերջից ի վեր, ասվում է «ՌԻԱ Նովոստի»-ի կողմից Եվրոստատի տվյալների վերլուծության մեջ։

 

Գարնան սկզբին ֆրանսիական ընկերությունները մեկ ամսվա ընթացքում ռուսական գազի գնումները մեծացրել են մեկ քառորդով՝ մինչև 464,9 միլիոն եվրո։ 

 

Արդյունքում, Ֆրանսիան մնաց Ռուսաստանից գազի հիմնական գնորդը ։ Երկրորդ տեղը զբաղեցրել է Հունգարիան, որի ներմուծումը ամսվա ընթացքում նվազել է 6.1%-ով և կազմել 248 միլիոն եվրո։ Առաջատարների եռյակը եզրափակում է Իսպանիան , որը մարտ ամսին գնումները մեծացրել է 1.7 անգամ՝ հասնելով 141 միլիոն եվրոյի։ Նիդեռլանդները նույնպես ներմուծումն ավելացրել է 16%-ով՝ հասնելով 131 միլիոն եվրոյի։