Թրամփը «տարակուսանքի մեջ է գցել» Եվրոպացի պաշտոնյաներին
Աշխարհ
Եվրոպացի պաշտոնյաները չեն հասկանում ԱՄՆ նախագահ Դոնալդ Թրամփի դիրքորոշումն Ուկրաինայի հարցում և պատկերացում չունեն` նա ինչ գործողություններ կձեռնարկի խաղաղության հաստատման համար, հայտնում է Bloomberg-ը՝ հղում անելով իր աղբյուրներին:
«Նրանք հիասթափված և տարակուսած են Թրամփի ակնհայտ մշտական տատանումներից», - ասել են զրուցակիցները: Աղբյուրներից մեկը հույս է հայտնել, որ բանակցություններից և Ռուսաստանի կոշտ պահանջներից հետո ամերիկացի առաջնորդը կհամարի, որ Մոսկվան անլուրջ է վերաբերում խաղաղ բանակցություններին և վճռական պատասխան կտա պատժամիջոցների տեսքով:
Bloomberg-ը նշում է, որ եվրոպացիները բացահայտ հիասթափություն են հայտնել պատվիրակությունների հանդիպումից հետո, սակայն Թրամփի դիրքորոշումը դեռևս անորոշ է: Միևնույն ժամանակ, գործակալության զրուցակիցները նկատել են, որ ամերիկացի պաշտոնյաների տեսակետները Ռուսաստանի վերաբերյալ խստացվել են վերջին շաբաթներին, նրանք սկսում են նախագահ Վլադիմիր Պուտինին համարել խաղաղության համաձայնագրի գլխավոր խոչընդոտը:
ՈՒՂԻՂ ԵԹԵՐ
Ամենադիտված 
Իրանը փակեց Հորմուզի նեղուցը, սա նավթի շուկայում համաշխարհային ճգնաժամ է առաջացնելու․ քաղաքագետ 
