Դատավորը քննադատում է Թրամփի վարչակազմին

ԱՄՆ շրջանային դատավոր Փաուլա Քսինիսը հայտարարել է, որ Թրամփի վարչակազմը չի ներկայացրել բավարար մանրամասներ՝ բացատրելու համար, թե ինչպես է կատարում դատարանի որոշումը՝ Մերիլենդի բնակիչ Կիլմար Աբրեգո Գարսիայի վերադարձն ապահովելու ուղղությամբ։ Նա արտաքսվել է սխալմամբ և պահվում է Սալվադորի բանտում։ Դատարանում ներկայացվել է ԱՄՆ ներքին անվտանգության քարտուղար Քրիստի Նոեմի հայտարարությունը, ըստ որի՝ Գարսիան «երբեք չի վերադառնա ԱՄՆ», ինչը Քսինիսը որակել է որպես հնարավոր անօրինականության խոստովանություն։

 

Վարչակազմը փորձել է փակ պահել տեղեկությունները՝ հղում անելով պետական գաղտնիքներին, սակայն Քսինիսն ասել է, որ նման հիմքեր չեն ներկայացվել։ Գարսիայի փաստաբանները դատապարտել են նման մոտեցումը՝ որպես դատարանի որոշման անտեսում, հայտնում է  Reuters-ը։

 

Գործը առաջացել է այն բանից հետո, երբ Գարսիան արտաքսվել է՝ չնայած նրան վերաբերող պաշտպանական որոշմանը։ Դատավորն ակնկալում է, որ վարչակազմը կհայտնի հավելյալ ապացույցներ։ Այնուամենայնիվ, գործը մտահոգություն է առաջացրել՝ վարչակազմի՝ դատական համակարգը անտեսելու պատրաստակամության վերաբերյալ։