Զելենսկին հայտարարել է, թե Ղրիմը պետք է «ազատ» լինի

Ուկրաինայի նախագահ Վլադիմիր Զելենսկին հայտարարել է, որ Ղրիմը պետք է լինի «ազատ»։ Հրապարակումը հայտնվել է նրա տելեգրամյան ալիքում, հաղորդում է Gazeta.ru–ն։

«Այսօր այն օրն է հիշելու, թե ինչու է յուրաքանչյուր դաժան կայսրություն արժանի անկման։ <…> Ղրիմը, ինչպես ամբողջ Ուկրաինան, պետք է ազատ լինի։ Կայսրությունները միշտ անկում են ապրում», - գրել է Զելենսկին։

Մայիսի 15-ին Ուկրաինայի նախագահը Անկարայում կայացած մամուլի ասուլիսում հայտարարեց, որ Կիևը չի կարող քննարկել տարածքային հարցեր, քանի որ դա Ուկրաինայի Սահմանադրության խախտում է։ Զելենսկին հավելել է, որ այս հարցը կքննարկվի բանակցությունների ընթացքում, և Ուկրաինան պատրաստ է դրան, սակայն իրավաբանորեն երկիրը չի ճանաչում «ժամանակավորապես օկուպացված տարածքները որպես ռուսական»։