Հռոմի պապ Լևոն XIV-ը պաշտոնապես ստանձնեց քահանայապետի պաշտոնը (տեսանյութ)

Վատիկանում տեղի է ունեցել Հռոմի պապ Լևոն XIV-ի գահակալության արարողությունը, այս պահից նա պաշտոնապես ստանձնել է պապի պաշտոնը, հաղորդում է NUR.KZ-ն։

Իր երդմնակալության պատարագի ժամանակ նրան հանձնել են պապական իշխանության խորհրդանիշները, այդ թվում՝ յուրօրինակ մատանի, որը հայտնի է նաև որպես ձկնորսի մատանի։ Ավելի վաղ Վատիկանի մամուլի ծառայությունը նշել էր, որ ոսկերիչներն այն յուրաքանչյուր պապի համար առանձին են ստեղծում։

Բացի այդ, Հռոմի պապին հանդիսավոր կերպով նվիրել են պալիում՝ ոչխարի բրդից պատրաստված ժապավեն՝ ասեղնագործված խաչերով։