Շարմ էլ Շեյխի օդանավակայանում գովազդային վահանակն ընկել է զբոսաշրջիկների վրա․ կա զոհ

Եգիպտոսի Շարմ էլ Շեյխ օդանավակայանի մեկնման գոտում գովազդային վահանակն ընկել է զբոսաշրջիկների վրա։ Արդյունքում մահացել է Ղազախստանի քաղաքացի, իսկ նրա երկու հայրենակիցներ վիրավորվել են, հաղորդում է «ՌԻԱ Նովոստին»։

Ղազախստանի արտաքին գործերի նախարարության տվյալներով՝ Եգիպտոսի քաղաքացիական ավիացիայի նախարարը միջադեպը վերցրել է իր անձնական վերահսկողության տակ և անմիջապես դեպքի վայր է ուղարկել հանձնաժողով։ Դեպքի վայրում քննչական գործողություններ են իրականացվում։