Թրամփը Պուտինի համար «ջախջախիչ» պատժամիջոցների օրինագիծ է մշակել․ Bloomberg
Աշխարհ
ԱՄՆ պաշտոնատար անձինք մասնավոր կարգով նախազգուշացրել են ԵՄ գործընկերներին, որ ԱՄՆ նախագահ Դոնալդ Թրամփը դիտարկում է հանրապետական սենատոր Լինդսի Գրեմի հեղինակած պատժամիջոցների մասին օրինագծի ընդունման հնարավորությունը, եթե «Ռուսաստանը զիջումների չգնա», գրում Է Bloomberg-ը՝ վկայակոչելով եվրոպացի պաշտոնյաներին, որոնք «ծանոթ են իրավիճակին»։
Նրանց խոսքով՝ առաջիկա հեռախոսազրույցի ընթացքում Թրամփը կարող է Ռուսաստանի նախագահ Վլադիմիր Պուտինին ասել, որ չի կարող խանգարել պատժամիջոցների նախաձեռնության հավանությանը, որը սենատորը անվանել է «ջախջախիչ» Ռուսաստանի տնտեսության համար։
Մասնավորապես, խոսքը 500 տոկոսանոց մաքսատուրքերի սահմանման մասին է այն երկրներից, որոնք Մոսկվայից նավթ, նավթամթերք, բնական գազ, ուրան և այլ ապրանքներ են գնում: Հանրապետականը պնդել է, որ ստացել է սենատորների մեծամասնության աջակցությունը և «վճռական միջոցներ կձեռնարկի», եթե մոտ ժամանակներս խաղաղության համաձայնություն ձեռք չբերվի:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
