Եվրոպացի պաշտոնյաները կխոսեն Թրամփի հետ Պուտինի հետ բանակցություններից առաջ
Աշխարհ
Եվրոպացի պաշտոնյաները ցանկանում են ԱՄՆ նախագահ Դոնալդ Թրամփի հետ քննարկել Ուկրաինայի հակամարտությունը՝ նախքան նրա ռուս գործընկեր Վլադիմիր Պուտինի հետ հեռախոսազրույցը։ Այս մասին հայտնում է CNN-ը։
«Եվրոպացի պաշտոնյաներն ասել են, որ իրենք նույնպես կխոսեն Թրամփի հետ, նախքան նա կխոսի Պուտինի հետ՝ մտավախությունների ֆոնին, որ Թրամփի տեսակետը հակամարտության վերաբերյալ կարող է ձևավորվել նրանով, թե ում հետ նա վերջինը կխոսի», - գրում է հեռուստաալիքը:
Ավելի վաղ ՌԴ նախագահի մամուլի քարտուղար Դմիտրի Պեսկովը հայտարարել է, որ Ռուսաստանի և ԱՄՆ-ի ղեկավարների հեռախոսազրույցը տեղի կունենա մայիսի 19-ին՝ Երևանի ժամանակով՝ 18:00-ին։ Նա նշել է, որ Կրեմլը կզեկուցի առաջնորդների բանակցությունների արդյունքների մասին։
Մամուլի քարտուղարը նաև հայտարարել է, որ Պուտինի և Թրամփի հնարավոր հանդիպումը կախված է պետությունների ղեկավարների անձնական պայմանավորվածություններից։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
