Չինաստանում շների համար առաջին ֆիթնես կենտրոնն են բացել

Չինաստանում բացվել է շների առաջին ֆիթնես կենտրոնը, գրում է South China Morning Post-ը։

Շանհայում շուտով կբացվի շների համար նախատեսված առաջին մարզասրահը՝ Gogogym-ը, որն արդեն մեծ հետաքրքրություն է առաջացրել կենդանիների սեփականատերերի մոտ և սոցիալական ցանցերում: Այս ինովացիոն կենտրոնը ստեղծվել է Heal Petcare-ի՝ սինգապուրյան ապրանքանիշի կողմից, որը մասնագիտացած է կենդանիների առողջության պահպանման ոլորտում: Ֆիթնես համալիրն առաջարկում է ոչ միայն մարզումներ, այլ նաև ընտանի կենդանիների առողջությանը վերաբերող համալիր մոտեցում: Կենտրոնը կներառի ֆիթնես տարածք՝ շների համար վազքուղիներով, սպա և վերականգնողական տարածք, մերսման սենյակ և կենդանիների խանութ։

Ըստ կենտրոնի աշխատակիցների՝ նման հաստատության ստեղծման հիմնական նպատակը կենդանիների առողջության պահպանումն է կանոնավոր ֆիզիկական վարժությունների, հիվանդությունների կանխարգելման և վնասվածքներից հետո վերականգնվելու միջոցով։