Ճապոնական մանգան երկրաշարժ է «կանխատեսել», և Ասիայից որոշ զբոսաշրջիկներ չեղարկում են ուղևորությունները

Ճապոնական «The Future I Saw» մանգան, որը նախօրոք հիշատակել էր 2011-ի աղետը, այս անգամ «կանխատեսել է» հուլիսի 5-ին տեղի ունեցող հսկայական երկրաշարժ։ Մեծ հետաքրքրություն վայելող գիրքը, ինչպես նաև չճշտված կանխատեսումները հնչեցրած վիպասաններ, ֆեն շույ մասնագետներ և մեդիայում տարածված տեսանյութերը վախեցրել են Արևելյան Ասիայից այցելող բազմաթիվ զբոսաշրջիկների։ Հատկապես Չինաստանից և Հոնկոնգից եկող այցելուների շրջանում նկատվում է ուղևորությունների զանգվածային չեղարկում։

 

Թեև սեյսմոլոգները պնդում են, որ երկրաշարժի ճշգրիտ կանխատեսումը տեխնիկապես անհնար է, գիրքն ու «գուշակությունները» խիստ ազդեցություն են ունեցել հասարակության վրա։ Ճապոնիայի զբոսաշրջային կազմակերպությունը նշել է, որ երկրի ներգնա զբոսաշրջությունը ռեկորդային աճ է գրանցել՝ միայն այս տարվա առաջին եռամսյակում հասնելով 10.5 միլիոն այցելուի։

 

Չնայած տարածվող վախերին՝ շատ ճանապարհորդներ շարունակում են իրենց ուղևորությունները։ «Ճշգրիտ կանխատեսումներ չեն եղել երբեք, և Ճապոնիան լավ է կառավարում աղետները», – ասել է Տոկիոյում արձակուրդն անցկացնող Վիկ Շինգը, փոխանցում է CNN-ը։