Կոլումբիացի մոդելի սպանությունը՝ Մեքսիկայի ինֆլուենսերի սպանությունից օրեր անց, սրում է ֆեմիցիդի դեմ դժգոհությունները

22-ամյա Մարիա Խոսե Էստուպինյանի սպանությունը Կոլումբիայում ցնցել է հանրությանը՝ նոր թափ հաղորդելով ֆեմիցիդի դեմ պայքարին Լատինական Ամերիկայում։ Ուսանողուհի և մոդել Էստուպինյանին, որը նախկինում դիմել էր ընտանեկան բռնության դեպքով, սպանել են մայիսի 15-ին՝ դռան մոտ ներկայանալով որպես առաքիչ, փոխանցում է CNN-ը։

 

Սպանությունը համեմատվում է Մեքսիկայում 23-ամյա Վալերիա Մարկեսի սպանության հետ, ով սպանվել էր ուղիղ եթերում սրահում աշխատելիս։ Երկու դեպքերն էլ բարձրացրել են կանանց նկատմամբ բռնության մասշտաբի հարցը տարածաշրջանում։

 

Կոլումբիայի սեռային հավասարության հանձնաժողովը դատապարտել է հանցագործությունը՝ ընդգծելով, որ երկրում հազարավոր դեպքեր են արձանագրվում սեռային, ֆիզիկական ու հոգեբանական բռնության, սակայն մեղավորները հաճախ մնում են անպատիժ։ Էստուպինյանը դարձել է հերթական զոհը համակարգային անարդարության ու անպաշտպանության պայմաններում։