Պուտինը Թրամփի հետ զրույցից հետո հայտարարել է, որ ՌԴ-ն ու Ուկրաինան պետք է գտնեն փոխզիջումներ, որոնք ձեռնտու են երկու կողմերին
Աշխարհ
ԱՄՆ նախագահ Դոնալդ Թրամփը հեռախոսազրույց է ունեցել Վլադիմիր Պուտինի հետ։ Զրույցը տևեց ավելի քան երկու ժամ։
Բանակցություններից հետո Պուտինը դուրս եկավ լրագրողների առջև։ Նա Թրամփի հետ զրույցը անվանել է «անկեղծ և իմաստալից»։ ԱՄՆ նախագահը, ասաց նա, արտահայտել է իր դիրքորոշումը հրադադարի վերաբերյալ։ «Ուկրաինայի հետ հրադադարը հնարավոր է համապատասխան պայմանավորվածությունների հասնելուց հետո», - նրա խոսքերն է մեջբերում ՏԱՍՍ-ը։
Նա ասել է , որ Ռուսաստանը և Ուկրաինան պետք է գտնեն «փոխզիջումներ, որոնք կբավարարեն երկու կողմերին էլ»։ Նրա խոսքով՝ Մոսկվան պատրաստ է Կիևի հետ աշխատել ապագա խաղաղության պայմանագրի վերաբերյալ հուշագրի վրա։ Զրույցի մանրամասները, հավելել է Պուտինը, ավելի ուշ կպարզաբանեն նրա մամուլի քարտուղար Դմիտրի Պեսկովը և օգնական Յուրի Ուշակովը։
Ուկրաինայի TSN հեռուստաալիքը՝ հղում անելով աղբյուրներին, հաղորդել է , որ Պուտինի հետ զրույցից առաջ Թրամփը զրուցել է նախագահ Վլադիմիր Զելենսկիի հետ։ Ասում են, որ նրանք քննարկել են Ուկրաինայում «պատերազմը դադարեցնելու համար անհրաժեշտ կոնկրետ քայլերը»։
Սպիտակ տունը և անձամբ Դոնալդ Թրամփը դեռևս չեն հաղորդել Պուտինի հետ զրույցի արդյունքների մասին։
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
