Ռուսաստանի Դաշնային խորհուրդը մեկնաբանել է Պուտինի և Թրամփի զրույցը

Ռուսաստանի Դաշնային խորհրդի փոխնախագահ Կոնստանտին Կոսաչովը Telegram-ի իր ալիքում հայտարարել է, որ ԱՄՆ նախագահ Դոնալդ Թրամփը Ռուսաստանի նախագահ Վլադիմիր Պուտինի հետ զրույցից հետո հասկացել է Ռուսաստանի սուբյեկտիվությունը միջազգային հարաբերություններում։

Կոսաչովն այսպես է մեկնաբանել Պուտինի և Թրամփի՝ նախօրեին տեղի ունեցած զրույցը։ Նա նշել է, որ զրույցի արդյունքներով՝ զգացվում է, որ ձևավորվել է երկու խորհրդատվական և բանակցային խումբ՝ ռուս-ամերիկյան, որը խաղաղության հասնելու կողմնակից է և ուկրաինաեվրոպական, որը պնդում է շարունակել հակամարտությունը։

«Թրամփն առաջինն էր, որ հասկացավ, որ Ռուսաստանը միջազգային հարաբերությունների նույն սուբյեկտն է, ինչ բոլորը։ Հուսով եմ, որ նա նաև հասկանում է, որ Ուկրաինան վերածվել է օբյեկտի, նախագծի և գործիքի։ Դրանով իսկ ոչնչացնում է խաղաղությունը Եվրոպայում՝ հակամարտությունը գլոբալ վերածելու վտանգով»,- ասել է Կոսաչովը։

Սենատորը պարզաբանել է, որ եվրոպացի քաղաքական գործիչները բոլոր ուժերով փորձում են Թրամփին ներքաշել իրենց խումբ, որտեղ Ուկրաինան սուբյեկտ է, իսկ Ռուսաստանը՝ օբյեկտ։