ԱՄՆ-ն պատրաստվում է Չինաստանի դեմ պատերազմի․ Reuters

ԱՄՆ-ի զինվորականները վախենում են Չինաստանի բանակի հարվածներից երկրի տարածքում ռազմաարդյունաբերական համալիրի և ենթակառուցվածքի օբյեկտներին՝ Վաշինգտոնի և Պեկինի միջև զինված հակամարտության դեպքում: Այս մասին հայտարարել է ԱՄՆ ռազմաօդային ուժերի գեներալ Դագ Ուիքերթը, փոխանցում է Reuters-ը։ 

Ուիքերթը կոչ է արել Քալիֆորնիա նահանգի իշխանություններին նախապատրաստվել Չինաստանի հնարավոր հարվածներին: Գեներալը հայտարարել է, որ նման սցենար հնարավոր է ռազմական միջոցներով Պեկինի զսպման ձախողման դեպքում։ Նրա խոսքով՝ Չինաստանին զսպելու բանալին բազայի վրա տեղակայված նորագույն B-21 Raider ռազմավարական ռմբակոծիչներն են:

Reuters-ը նաև մատնանշել է ամերիկացի զինվորականների և պաշտոնյաների մտահոգությունները Թայվանում Չինաստանի բանակի հնարավոր գործողության վերաբերյալ մինչև 2027 թվականը: Նշվում է, որ ԱՄՆ ռազմաօդային ուժերի հրամանատարությունը վերականգնում է դեռևս Երկրորդ համաշխարհայինի ժամանակ Ֆիլիպիններում և Խաղաղ օվկիանոսի արևմտյան հատվածում կառուցված օդանավակայանները՝ ավիացիայի փոքր խմբեր տեղակայելու համար: