Ալիևն ու Օրբանն անդրադարձել են Հայաստան-Ադրբեջան կարգավորման գործընթացին
Աշխարհ
Բուդապեշտում հանդիպել են Ադրբեջանի նախագահը և Հունգարիայի վարչապետը: Համատեղ մամուլի ասուլիսում Իլհամ Ալիևն անդրադարձել է Հայաստանի և Ադրբեջանի միջև կարգավորման գործընթացին: Նա հայտարարել է, որ խաղաղության պայմանագրի ստորագրման համար անհրաժեշտ է, որ ԵԱՀԿ Մինսկի խումբը լուծարվի: Ալիևը նաև հերթական անգամ մեղադրել է Հայաստանին՝ Ադրբեջանի նկատմամբ, իբր, տարածքային պահանջներ ունենալու համար:
Ալիևը խոսել է Հունգարիա-Ադրբեջան երկկողմ հարաբերություններից, ընդգծել, որ դրանք ռազմավարական բնույթ են կրում: «Հունգարիան այն քիչ երկրներից է, որն անկախ քաղաքականություն է վարում: Իսկ դա բավականին բարդ է հատկապես Եվրամիության շրջանակում»,- կարծիք է հայտնել Ալիևը: Նա հավելել է, որ երկու երկրները կխորացնեն գործակցությունը հանքարդյունաբերության ոլորտում:
Օրբանն էլ շնորհակալություն է հայտնել Ալիևին՝ դժվարին պահերին Բուդապեշտի կողքին լինելու համար: Նրա խոսքով՝ Ալիևը վստահեցրել է, որ Ադրբեջանը Հունգարիային կապահովի գազով՝ հաշվի առնելով ռուս-ուկրաինական պատերազմի ֆոնին այդ ոլորտում առկա խնդիրները:
Վիկտոր Օրբանը նաև ողջունել է Հայաստանի և Ադրբեջանի միջև խաղաղության պայմանագրի տեքստի համաձայնեցումը, հույս հայտնել, որ այն շուտով կստորագրվի:
ՈՒՂԻՂ ԵԹԵՐ
Ամենադիտված 
Իրանը փակեց Հորմուզի նեղուցը, սա նավթի շուկայում համաշխարհային ճգնաժամ է առաջացնելու․ քաղաքագետ 
