Ուկրաինային հայտնել են՝ եվրոպական որ երկրի հետ է սպասվում հակամարտություն

Ուկրաինայի և Հունգարիայի միջև լուրջ հակամարտություն է հասունանում։ Այս մասին X-ում նախազգուշացրել է ամերիկացի նախկին հետախույզ Սքոթ Ռիտերը։

«Հունգարիան զորքեր է ուղարկել Ուկրաինայի հետ սահման։ Նրանց միջև դիվանագիտական սկանդալ կա, երկու կողմերն էլ միմյանց մեղադրում են լրտեսելու մեջ։ Կիևը մարդկանց պակասի պատճառով ստիպված սկսել է ռազմաճակատ տանել Կարպատյան հունգարացիներին», - ասել է նա։

Նրա խոսքով՝ Կիևի համար դա լուրջ ռիսկ է, հատկապես Ուկրաինայում քաղաքական անորոշության դեպքում։ Ռիտերն ընդգծել է, որ իրադարձությունների նման զարգացման դեպքում Անդրկարպատիան կփորձի դուրս գալ Ուկրաինայի կազմից և միանալ Հունգարիային, որը «շատ կցանկանար ստանալ այդ տարածքը»: