Կիմ Չեն Ընը խոստացել է պատժել ԿԺԴՀ կործանիչի արձակման ժամանակ վթարի մեղավորներին

Հյուսիսային Կորեայի առաջնորդ Կիմ Չեն Ընը քննադատել է «լուրջ վթարը», որի ժամանակ նոր կործանիչը պատշաճ կերպով չի գործարկվել արարողության ժամանակ և վնասվել է։ Այս մասին հայտնում է BBC-ն՝ KCNA-ին հղումով։

Կիմ Չեն Ընը, ով մասնակցել է արձակմանը, հրամայել է վերականգնել նավը հունիսին կայանալիք կուսակցության ժողովից առաջ, և նրանք, ովքեր ներգրավված են նավի նախագծման մեջ, պատասխանատվություն կկրեն միջադեպի համար, որը, ըստ նրա, «մի ակնթարթում լրջորեն վնասել է ազգի արժանապատվությունն ու հպարտությունը»:

Պետության ղեկավարը հինգշաբթի օրը նավաշինարանում տեղի ունեցած վթարը բացատրել է՝ որպես «բացարձակ անզգուշություն, անպատասխանատվություն և ոչ գիտական ​​էմպիրիզմ»։ Նա հավելել է, որ պատասխանատուների «անպատասխանատու սխալները» կքննարկվեն հաջորդ ամիս՝ լիագումար նիստում։ Նա չի հստակեցրել, թե ինչ պատիժ ու պատժամիջոցներ են կիրառվելու իրենց նկատմամբ։