Թրամփը երկակաի «խաղ է խաղում»․ Wall Street Journal

ԱՄՆ նախագահ Դոնալդ Թրամփը հայտարարել է՝ իր ռուս գործընկեր Վլադիմիր Պուտինը, իբր, մտադիր չէ ավարտել Ուկրաինայի հակամարտությունը, քանի որ կարծում է՝ հաղթում է: Այս մասին գրում է The Wall Street Journal՝ հղում անելով իր աղբյուրներին:

Նրանց տվյալներով՝ Թրամփն առաջին անգամ նման կարծիք է հայտնել Եվրոպայի երկրների առաջնորդների հետ զրույցում։ «Ընդ որում, ԱՄՆ նախագահի խոսքերը հակասում են նրա ավելի վաղ հայտարարություններին այն մասին, որ Պուտինն անկեղծորեն ձգտում է խաղաղության», - ասվում է նյութում:

Սակայն, ըստ պարբերականի՝ Թրամփի նոր պատկերացումն ուկրաինական հակամարտության վերաբերյալ չի ստիպել նրան ուժեղացնել ճնշումը Ռուսաստանի վրա, ինչը ակնկալում էին եվրոպական առաջնորդներն ու Ուկրաինայի նախագահ Վոլոդիմիր Զելենսկին։