BYD-ն ընդլայնում է իր տիրապետությունը Եվրոպայում՝ ներկայացնելով էժանագին Dolphin Surf էլեկտրամեքենան

Չինական BYD ընկերությունը, որը համարվում է աշխարհի խոշորագույն էլեկտրամեքենաների արտադրողը, ներկայացրել է իր 10-րդ մոդելը եվրոպական շուկայի համար՝ Dolphin Surf-ը։ Մեքենայի գինը սկսվում է 22,950 եվրոյից, սակայն մինչև հունիսի վերջ հասանելի կլինի զեղչված՝ 19,990-24,990 եվրո արժեքով՝ ըստ մարտկյանի հզորության։

 

Նոր մոդելը շեշտում է եվրոպական ավտոարտադրողների վրա գնային ճնշումը, որոնք դեռ դժվարանում են մատչելի էլեկտրամեքենաներ առաջարկել։ Վաճառքի գլխավոր ղեկավար Պատրիկ Շուլցն ընդգծել է, որ BYD-ն թիրախավորել է Եվրոպայի կոմպակտ սեգմենտը՝ նկատելով այդ շուկայի հսկայական ներուժը, հայտնում է Reuters-ը։

 

Չինական տարբերակով՝ Seagull անունով հայտնի մեքենան, արդեն մեծ հաջողություն է գրանցել Չինաստանում՝ 2024-ին գրանցելով ավելի քան 442,000 վաճառք։ Եվրոպայում BYD-ն քառապատկել է վաճառքները՝ առաջին եռամսյակում վաճառելով 37,201 մեքենա, մինչդեռ Tesla-ի վաճառքները կրճատվել են ավելի քան 37%-ով։ Ընկերությունը ծրագրում է 2025-ին մուտք գործել եվրոպական 12 նոր շուկա՝ ընդլայնելով իր վաճառքի ցանցը մինչև 1,000 սրահ։