Չեմ պատրաստվում առաջադրվել ևս մեկ ժամկետով․ Էրդողան

Թուրքիայի նախագահ Ռեջեփ Թայիփ Էրդողանը հայտարարել է, որ մտադիր չէ կրկին առաջադրվել նախագահի պաշտոնում, սակայն երկրին անհրաժեշտ է նոր սահմանադրություն։ Նրա խոսքերը հաղորդել է «Անադոլու» գործակալությունը։

«Ես չեմ պատրաստվում վերընտրվել կամ կրկին մասնակցել ընտրությունների։ Մենք նոր սահմանադրություն ենք ուզում ոչ թե մեզ համար, այլ՝ մեր երկրի», - ասել է թուրք առաջնորդը։

Էրդողանը նշել է, որ Թուրքիան այլևս չի կարող առաջ շարժվել դեպի ապագա՝ հեղաշրջողների կողմից գրված սահմանադրությամբ (ներկայիս թուրքական սահմանադրությունն ընդունվել է 1982 թվականին՝ գեներալ Քենան Էվրենի գլխավորած ռազմական հեղաշրջումից հետո - նշում է Lenta.ru-ն)։