Լեհաստանը Բելառուսի հետ սահմանին էլեկտրոնային ցանկապատ կկառուցի

Լեհաստանի Լյուբլինի վոյևոդությունում, լեհ-բելառուսական սահմանի ջրային հատվածում, ընթանում է էլեկտրոնային արգելապատնեշի կառուցումը։ Այս մասին հայտարարել է հանրապետության ներքին գործերի և կառավարման նախարար Տոմաշ Սիեմոնյակը , հաղորդում է «Ինտերֆաքս»-ը։

Լեհաստանի ՆԳՆ ղեկավարի խոսքով՝ երկրի սահմանի անվտանգության ապահովման այս չափազանց կարևոր գործիքը լիովին պատրաստ կլինի մինչև հուլիսի 20-ը։

Ցանկապատը ներառում է մոտ 1,8 հազար կայմեր՝ տեսախցիկներով, 4,5 հազար շուրջօրյա և ջերմային պատկերման հսկողության տեսախցիկներ, ինչպես նաև հատուկ սենսորներ, որոնք հայտնաբերում են օբյեկտների տարբեր ֆիզիկական բնութագրերը։