Թրամփը Պուտինի հետ զրույցից հետո խափանեց Ռուսաստանի դեմ նոր պատժամիջոցներ սահմանելու ԵՄ ծրագիրը․ ԶԼՄ

ԱՄՆ նախագահ Դոնալդ Թրամփը ՌԴ նախագահ Վլադիմիր Պուտինի հետ երկժամյա հեռախոսազրույցից հետո հրաժարվել է խստացնել Ռուսաստանի դեմ պատժամիջոցները՝ փչացնելով եվրոպացի քաղաքական գործիչների ծրագրերը։ Այս մասին գրում է The Guardian-ը՝ վկայակոչելով լրագրող Ջենիֆեր Ռանկինի նյութը։

Եվրոպացի առաջնորդները հույս ունեին, որ ԱՄՆ-ը կուժեղացնի ճնշումը Մոսկվայի վրա, բայց փոխարենը Թրամփը խոսել է Ռուսաստանի հետ առևտրային հարաբերությունների վերականգնման հեռանկարների մասին։ Սա տարակուսանք է առաջացրել ԵՄ-ում, որտեղ մտավախություն կա, որ Վաշինգտոնի կողմից պատժամիջոցների մեղմացումը կխաթարի դաշինքի միասնությունը:

Առանձնակի մտահոգությունները կապված են Հունգարիայի դիրքորոշման հետ, որը հուլիսին կարող է արգելափակել եվրոպական պատժամիջոցների երկարաձգումը։ Եթե ​​դա տեղի ունենա, ապա 2022 թվականից ԵՄ-ում սառեցված Ռուսաստանի Կենտրոնական բանկի 2,1 մլրդ եվրոյի ակտիվները կապասառեցվեն։

«Եվրոպայում ինսայդերները կարծում են, որ նման քայլը պայթյունավտանգ կլինի և կսպառնա պատժամիջոցների քաղաքականությանը»,- նշում է հրատարակությունը։