Կիևն ու Պրահան պայմանավորվել են ուկրաինացի օդաչուներին վերապատրաստել F-16-ի համար

Ուկրաինան և Չեխիան պայմանավորվել են համագործակցել F-16 կործանիչների համար ուկրաինացի օդաչուների պատրաստման հարցում։ Ինչպես տեղեկացնում է  «ՌԻԱ Նովոստի»-ն, այդ մասին հայտարարել է Ուկրաինայի վարչապետ Դենիս Շմիգալը։

Ուկրաինայի նախագահ Վոլոդիմիր Զելենսկին ավելի վաղ ասել էր, որ Կիևը և Պրահան բանակցում են F-16 կործանիչների օդաչուների պատրաստման համատեղ դպրոցի ստեղծման շուրջ, որը տեղակայված կլինի Ուկրաինայի սահմաններից դուրս։

Պայմանավորվածությունը ձեռք է բերվել Շմիգալի և Չեխիայի վարչապետ Պետր Ֆիալայի հետ հանդիպման ժամանակ։