Չինաստանում անցկացվել է ռոբոտների բռնցքամարտի աշխարհի առաջին մրցաշարը (տեսանյութ)
ՏեսանյութերՉինաստանի Հանչժոու քաղաքում անցկացվել է մարդանման ռոբոտների բռնցքամարտի աշխարհի առաջին մրցաշարը՝ Unitree Fist King: Awakening, որը կազմակերպել էր Unitree Robotics-ը։ Միջոցառմանը ներկայացվել են մուայ թայ ոճով մենամարտեր մարդանման մեքենաների միջև՝ ցուցադրելով ռոբոտաշինության ոլորտում առաջընթացը: Մրցաշարի տեսագրությունը հասանելի է YouTube-ում։
Մինչ ռինգ մտնելը Unitree-ի ինժեներները, ինչպես գրում է Habr-ը, կատարել են մեքենաների մանրակրկիտ պատրաստում՝ կենտրոնանալով նրանց հավասարակշռությունը և կայունությունը պահպանելու ունակության վրա։ Յուրաքանչյուր մարտական ռոբոտ հագեցած է եղել LiDAR սենսորներով և խորության տեսախցիկներով, ինչը նրանց թույլ է տվել կատարել հարվածների բարդ համակցություններ:
Մասնակիցները հեռակառավարվել են մարդկային ինժեներների չորս թիմերի կողմից: Նրանք օգտագործել են խաղային վահանակներ և ձայնային հրամաններ՝ ապահովելով իրական ժամանակի կառավարումը:
Մրցույթի կանոնների համաձայն՝ գրանցվել է պարտություն, երբ ռոբոտն ընկնելուց հետո ութ վայրկյանում չի կարողացել ոտքի կանգնել։ Անկման պատճառը կարող էր լինել կամ հավասարակշռության կորուստը, կամ հակառակորդի հարվածը:
ՈՒՂԻՂ ԵԹԵՐ
Ամենադիտված 
Թրամփը նշել է «աշխարհի մեծագույն առաջնորդներից» երկուսի անունները
